قصيده لما جيت اكتب عن امي مكتوبة

قصيده لما جيت اكتب عن امي مكتوبة، حيث إنّ قَصيدة لما جيت أكتب عن أمي تعد من أبرز القصائد العامية التي حققت نجاحًا كبيرًا منذ طرحها، حيص انتشرت هذه القَصيدة بشكل واسع بين الناس وذلك لعذوبة معانيها، كما أن الكثير من الناس أصبحت تتنافس على حفظ بعض أبياتها، ومن خلال موقع محتويات سيتم التعرف على قائل قَصيدة لما جيت أكت عن أمي، بالإضافة إلى الاطلاع على أبياتها.

قصيده لما جيت اكتب عن امي مكتوبة

إنّ قصيدة لما جيت أكتب عن أمي تعد من أبرز القصائد الشعرية التي قام بكتابتها الشاعر المصري هشام الجخ، والذي حصل على جائزة أحسن شاعر عامية، ويمكن التعرف على كلمات القصيدة من خلال التالي:[1]

لما جيت أكتب عن أمي
قولت عنها شايلة همي
قولت دي بتجري في دمّي
قولت ياما حاجات كتير مش جديدة
لما جيت أكتب عن أمي عاجزة قدامي القصيدة
شايلة سِرّي ..
كان زمان بيني و بينها حبل سُرّي
اتقطع يوم الولادة و اتوصل حبل الوداد
حب متحولش عادة من كلام رب العباد
حبها أصلا عبادة
في التعب كانت بتسأل
جه مؤنث جه مذكر
جه بيضحك جه مكشر
جه على الدنيا بسلامة
وقتها ماكنتش بفكر
كنت بابكي و كانت بتحضن بابتسامة
وقتها مكنتش بفكر
ده الضنا جه من الضنى
لما جيت أكتب عن أمي لاقتني بكتب عني أنا
لما جيت أكتب عن أمي عاجزة قدامي الحروف
قام الألِف زعّق وقف
قاللي ما تفهم يا ولا
ده أنا مشترك في اسم من لا شريك له
و أول الاسم الألِف
و أول الأم الألِف
و دي مش صدف
ربك بيخلق من العدم خلق الألم وهنا على وهن
شالتني لحد ما بلغت الحُلُم
و ياما بتدلّع عليها و ياما بتمنّع عليها
و ياما حاوطتني بجناحها
و ياما دمعت في عينيها
و من أيديا تاتا تاتا
و رجلي داست على البلاطة
و داس عليها عجل زماننا
و كانت بتحضني ببساطة
و لما بتعب كانت بتتعب كانت تطبطب
كانت تجيبلي الشوكلاتة
كبرت فجأة
لاقتني بزهق من كلامها عن السجاير
عن العيال اللي مصاحبهم على الدراسة
خش ذاكر!
اجي اتدلع تقوللي ده أنت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
ماتلاقيش لهواها ريحة
السنين بجحة و صريحة
أمي مابتعرفش تجرح
بس ياما باتت جريحة
لما جت وقفت قصادي
قالتلي أنت امتدادي
أنت نور عيني اللي شبهي
أنت دونا عن ولادي
وقتها أنا كنت غاوي للغناوي
كنت أسيبها قاعدة و انزل اترمي في حضن القهاوي
هي ديا أحلى عيشة
هاتلي نار على فحم شيشية
هاتلي طاولة
أمي دي فاكراني طيشة
لأ دة انا راجل بشنبي
بصوا دقني
و اما جالي الحزن داقني
و الزمان خد مني خانة
الدوا اللي عند امي
مش لاقيه ف الاجزخانة
كل ليلة كنت برجع و الدُعا صالبلي ضهري
و التعب فارد طريقي و السنين بتقولي اجري
في الزمن عمال بسابق
بلتقي بحضن بفارق
زحمة الدنيا خدتني
مفتكرهاش إلا لما بس الاقي الاكل حادق

إلى هنا يكون قد تم الانتهاء من مقال قَصيده لما جيت أكتب عن أمي مكتوبة الذي تم التعرف من خلاله على قَصيدة لما جيت أكتب عن أمي ، بالإضافة إلى قائلها وبيان أبياتها.